Regulamento Provisional:
Marcha Social Non Federada e Non
Competitiva
O Concello de
Sober, coa colaboración
da Asociacion Veciñal de Sta Cruz de Brosmos, organiza a Ruta BTT Santa Cruz
Bike 2015 – Marcha Social non Federada e non competitiva, cun percorrido de 45
km/aprox., de dificultade técnica e física media-alta. A mesma será de carácter
non competitivo. Ao longo do percorrido haberá numerosas alternativas que
diminúen a dificultade e a distancia, facendo así unha ruta curta con
dificultade física e técnica media-baixa de 30 km.
A concentración
e entrega de dorsais terá lugar dende as 8:00 horas ata as 9:15 horas do sábado
5 de setembro no campo da festa de Santa Cruz de Brosmos (ao lado da igrexa). A
saída dos participantes da ruta BTT efectuarase ás 9:30 horas do mesmo lugar.
A participación
na proba incluirá o avituallamento sólido e líquido (bebida, froita e bolería)
nos lugares de Vilacha e Doade, ao rematar a ruta desfrutaremos duns pinchos no
campo da festa. Tamén contaremos con servizo de ambulancia así como seguro de
Responsabilidade Civil. Só serán considerados participantes, aqueles que
realizaran a inscrición correctamente e leven o dorsal visible en todo momento.
O devandito dorsal será facilitado pola organización.
Cada
participante será responsable do seu propio material de avaría. No caso de
avaría non reparable polo participante, este terá que desprazarse a un cruce
asfaltado onde será recollido pola organización.
O emprego do
casco é obrigatorio, e non levalo implica a retirada do dorsal e da ruta. A
organización non se fai responsable dos accidentes nos que puidera ser causa a
neglixencia dos participantes, así como os danos que estes puideran ocasionar
durante a realización da marcha.
O percorrido da
proba transcorre na súa maior parte por camiños rurais, forestais e de monte do
Concello de Sober e Monforte de Lemos, existindo cruces con tramos de estradas,
que se atopan abertos ao tráfico para outros usuarios polo que se deberá
extremar a precaución por parte dos participantes, respectando as normas de
circulación contidas na Lei de Seguridade Vial e no Regulamento Xeral de
Circulación.
Todos os
participantes deben respectar o entorno por onde transcorre a proba, quedando terminantemente
prohibido tirar lixo en todo o percorrido a excepción dos contedores situados
no punto de avituallamento e de inicio e final da ruta.
En todo momento
respectaranse e acataranse as ordes e directrices da organización, non
adiantando en ningún momento ao vehículo que abre aproba, o cal será obxecto de
descualificación inmediata.
A Organización
contará con servizo de ambulancia a disposición dos participantes, ao igual que
dun Seguro de Responsabilidade Civil (limitado), non facéndose responsable de
ningún accidente nin gastos fora desta cobertura, debendo entenderse que os
participantes inscritos asumen e coñecen os riscos do BTT.
A Organización
resérvase o dereito a modificar a presente normativa, así como a modificación
do percorrido, quilometraxe e data da proba.
O feito de
inscribirse na proba, supón a aceptación total do presente regulamento.
É obrigatorio ter a maioria de idade.
Para participación na proba é necesario e obrigatorio inscribirse e abonar a cota especificada no prazo disposto, que nunca será posterior a 10 dias anteriores á realización da proba.
Non se admiten devolucións das cotas aboadas quedando un mes para a realización da proba. Antes de ese prazo, se o inscrito quere anular a sua inscripción, deberase por en contacto con nos para proceder á devolución da cota.
Condicións:
É obrigatorio ter a maioria de idade.
Para participación na proba é necesario e obrigatorio inscribirse e abonar a cota especificada no prazo disposto, que nunca será posterior a 10 dias anteriores á realización da proba.
Non se admiten devolucións das cotas aboadas quedando un mes para a realización da proba. Antes de ese prazo, se o inscrito quere anular a sua inscripción, deberase por en contacto con nos para proceder á devolución da cota.
